Sot mësohen çiftet çerekfinaliste në Champions League dhe Europa League me shortin që pritet të hidhet në Nyon të Zvicrës.
Veç çifteve çerekfinale që vendosen me short të lirë, sot përcaktohen edhe gjysmëfinalet. Përcaktimi i çifteve çerekfinaliste shoqërohet me emërtimet nga 1 në 4, duke u vendosur kështu edhe rrugëtimi (çifti 1 me çiftin 4, çifti 2 me çiftin 3) që skuadrat do të kenë në turin tjetër të Champions League, pra në fazën gjysmëfinale. I njëjti format do të ndjekë edhe Europa League.
Shorti i Champions League starton prej orës 12:00, kurse ai i Europa League prej orës 13:00.
8 skuadrat e kualifikuara në Champions League – Bayern (Gjermani), Chelsea (Angli), Dortmund (Gjermani), Liverpool (Angli), Manchester City (Angli), Paris (Francë), Porto (Portugali), Real Madrid (Spanjë).
8 skuadrat e kualifikuara në Europa League– Ajax (Holandë), Arsenal (Angli), Dinamo Zagreb (Kroaci), Granada (Spanjë), Manchester United (Angli), Roma (Itali), Slavia Praha (Republikë Ceke), Villarreal (Spanjë)
Ndeshjet e para çerekfinale të Champions League janë programuar të luhen më 6 dhe 7 prill, kurse të kthimit zhvillohen një javë më pas, më 13 dhe 14 prill.
Brenda prillit luhen edhe gjysmëfinalet e para, më 27 dhe 28 prill, kurse të kthimit më 4 dhe 5 muaj. Finalja zhvillohet më 29 maj në stadiumin “Ataturk” në Stamboll.
Sa i takon Europa League, më 8 prill zhvillohen duelet e para të çerekfinaleve, kurse sfidat e kthimit më 15 prill. Gjysmëfinalet e para luhen më 29 prill dhe më 6 maj ndeshjet e tjera. Finalja është programuar të zhvillohet në Poloni, më 26 maj në “Gdansk Arena”.
