Përmes një postimi në faqen e tij zyrtare në “Twitter”, presidenti i UFC-së, Dana White, konfirmoi zyrtarisht se Khabib Nurmagomedov nuk do të duelojë më në kafaz.
“29 me 0. Ai është 100% i tërhequr nga sporti. Ishte diçka e jashtëzakonshme të të shihja ty në kafaz. Të falënderoj për gjithçka dhe shijoje çfarëdo të jetë e ardhmja jote miku im”.
Ka qenw ky komenti i numri 1 tw arteve marciale mikse Dana White, që konfirmon mbylljen e karrierës së rusit Khabib Nurmagomedov, kampion bote në peshën e lehtë. Një karrierë që mbyllet me rekordin e 29 fitoreve dhe 0 humbje.
Khabib nuk duelon që prej eventit UFC-254, zhvilluar në tetorin e vitit të kaluar, ku mposhti Justin Gaethje. Pas fitores, rusi deklaroi tërheqjen e tij nga kafazi, por UFC dhe Dana White shpresuan që ta rikthenin në kafaz edhe për një duel të fundit, por pa sukses.
29-0 it is.
He is 💯 officially retired. It was incredible to watch you work @TeamKhabib thank you for EVERYTHING and enjoy whatever is next my friend. pic.twitter.com/QeoSP12zw2
— danawhite (@danawhite) March 19, 2021