Një 17-vjeçar është arrestuar në Vlorë pasi kë qëlluar me armë zjarri në ajër pas një konflikti të çastit.
Gjatë orëve të mbrëmjes ka patur një konflikt mes të rinjsh në fshatin Akërni.
Konflikt i çastit ka degjenuar në përdorimin e armës së zjarrit por fatmirësisht pa viktima.
Një prej të rinjve, në konflikt e sipër, ka nxjerrë armën dhe ka qëlluar në ajër për të trembur të tjerët dhe më pas janë larguar.
Policia e Vlorës ka bërë të mundur identifikimin dhe arrestimin e 17-vjeçarit.
“Mbrëmjen e datës 17.03.2021, në fshatin Akërni, pas një konflikti të çastit për motive të dobëta, shtetasi V. M. ka qëlluar me armë zjarri pistoletë në ajër duke kanosur shtetasin E. I., 23 vjeç, banues në fshatin Akërni, Vlorë. Nga e shtëna me armë zjarri nuk ka të lënduar.
Pasi ka ndodhur ngjarja shtetasi D. Ll, ka marrë dhe ka fshehur armën e zjarrit me të cilën shtetasi V. M. ka kanosur shtetasin E. I.
Në vendngjarje kanë shkuar shërbimet e Policisë, të cilët kanë bërë të mundur identifikimin dhe arrestimin në flagrancë të shtetasve V. M, 17 vjeç, banues në fshatin Trevllazër dhe D. Ll., 16 vjeç, banues në fshatin Bishan.
Gjithashtu u proceduan në gjëndje të lirë shtetasit Dh.M, J. M, V. Ll, dhe R. B,, pasi ka qenë të pranishëm dhe nuk kanë kallëzuar krimin”, njoftoi policia.
