Laçi-Partizani ishte një nga sfidat më të nxehta të çerekfinales së Kupës së Shqipërisë. Sfida e luajtur në Laç u mbyll 0-0 pas 120 minutash lojë dhe vendasit fituan me penallti duke u treguar më të saktë.
Në këtë takim nuk kanë munguar as polemikat pasi Partizani pretendon për 3 penallti, ndërsa presidenti Gaz Demi shpërtheu në fund të ndeshjes ndaj gjyqtarit Kridens Meta duke e quajtur ordinerë e palaço djalë.
Partizani ka postuar në faqen zyrtare edhe 3 raste për penallti, ndërsa nuk kanë munguar as komentet e shumta. Një prej tyre është edhe gazetari i njohur, Artan Hoxha. Në postimin e tij, Hoxha shkruan se ata 100 persona që qëndrojnë te lokali i presidentit Demi të mos luajnë tavull, por t’i thyejnë turinjtë gjyqtarit Meta ashtu si ua bënë Pashka Laska, presidenti i Laçit arbitrave.
“Dhe mirë jua bëjnë, pak e keni. Vazhdoni e rrini urtë se mos I prishet drejtimi i tymit të puros Mand Dukës. Gaz Demi që mban 100 veta te lokali në bllok, të mos luajnë tavull, por ti çojë t’ia thyejnë hundët Kridens Metës, ashtu si ua bën Pashku dhe nuk u dridhet qerpiku të mos japë 3 penallti”, lexohet në komentin e gazetarit Artan Hoxha./Newsport.al
