Antonela Berisha prej disa ditësh nuk ka qenë prezente në studion e “Për’puthen”, për shkak të debatit të fortë që pati me Elvis Lushin dhe më pas me Mevlanin e Ledjanën. E gjitha nisi nga një postim i këtij të fundit në rrjete sociale, ku i drejtonte litarin të gjitha atyre vajzave që bëjnë çfarë duan dhe ia hedhin fajin ‘ngacmuesit seksual’.
Gjatë një videoje të publikuar në Instagram, Elvisi tha se kjo ishte një metodë që Antonela kishte përdorur për ta nxjerrë atë keq në sytë e publikut, duke bërë viktimën, kur në fakt nuk është. Pasi doli nga programi, Elvisi shtoi se atë e kishin bërë “kurban” që të fitonte dikush tjetër.
Pasditen e djeshme, Antonela u shfaq në lidhje “Skype” në studio dhe menjëherë pas kësaj, Elvisi ka reaguar sërish nëpërmjet një postimi në Instastory.
“Meqë ata që paguhen për opinionista nuk japin opinione, po e jap unë. Ja fytyra e vërtetë e ‘viktimave’ të televizionit. Ju pata thënë që i nxjerr koha kokat e tyre,” shkroi ish-konkurrenti, i cili e shoqëroi postimin me emojin e një klouni, duke u bazuar në ofendimin që Antonela i bëri Ledjanës teksa i tha “burrë me buzë silikoni”.
