Një skandal ka shpërthyer në Ukrainë pasi u zbulua se një blogere 8-vjeçare me miliona ndjekës në rrjete sociale, zyrtarizoi lidhjen e saj me një djalë 13-vjeçar, me bekimin e plotë të nënës së saj, e cila kontrollon të gjitha llogaritë e saj në rrjetet sociale.
8-vjeçarja Milana Makhanets ka pothuajse shtatë milion ndjekës në aplikacionin singaporean për ndarjen e videove Likee, një analog me TikTok i njohur më së shumti për fëmijët rus dhe ukrainas. Milana gjithashtu punon si modele, pasi shpesh është pjesmarrëse në shfaqjet e modës për fëmijë.
Në rrjete sociale nëna e 8-vjeçares ka marrë shumë kritika, madje disa nga përdorues të rrjeteve sociale kanë bërë thirrje që ti merret vajza e saj dhe të ndiqet penalisht.
Gazetari dhe ish-politikani ukrainas Igor Mosiychuk komentoi mbi skandalin, duke theksuar se ai “kërkon ndërhyrjen e menjëhershme të Policisë Kombëtare”.
“I gjithë ky promovim në rrjetet sociale të Mila dhe Pashait është shumë, shumë afër pornografisë së fëmijëve dhe është një terren shumëzimi, i cili, si mjalti, tërheq dhe stimulon pedofilët të veprojnë,” shkroi ai në faqen e tij në Facebook.
