Vllaznia dhe Teuta i janë bashkuar Skënderbeut dhe Laçit duke plotësuar katërshen gjysmëfinaliste të Kupës së Shqipërisë.
Teuta mundi Kukësin me rezultatin 1-0 falë golit të realizuar nga Emiljano Vila në minutën e 10-të me kokë.
Me këtë rezutat, skuadra verilindore kështu ka humbur edhe “trenin e fundit” për të shkuar në Europë.
Nga ana tjetër Vllaznia u kualifikua ndaj Korabit falë një goli të shënuar nga Kruja në minutën e 16-të. Pjesa e parë foli e gjitha për shkodranët, të cilët gjetën edhe rrugën e rrjetës me Arsid Krujën në minutën e 16’, i cili me një gjuajtje të fortë e ndali topin në fundin e rrjetës ndërsa rezultati nuk do të ndryshonte deri në fund.
