Ndalesa e Lulzim Bashës këtë të mërkurë ishte Vlora, ku ashtu edhe si në Shkodër u prit nga dhjetëra qytetarë nën thirrjet “Rama ik”.
Një qytet i trazuar nga zhvillimet brenda kampit të socilistëve, Basha nuk e shmangu një koment për linçimin e kryebashkiakut Dritan Leli nga kryeministri Rama pasi ai refuzojë të lërë bashkinë për të garuar për deputet rtë PS.
“Anija e së keqes po mbytet dhe ftesa ime për çdo socialist të ndershëm është bashkohuni me ne për ndryshimin, do të fitoni ju dhe familjet tuaja”, tha Basha.
Kryedemokrati tha se era e ndryshimit po fryn në gjithë Shqipërinë, nga veriu në jug.
“Lista e Vlorës njësoj si gjithë Shqipërisë e PD dhe Alenancës për Ndryshim është me kualitet. Tetë vite me radhë Edi Rama ka nëpërkëmbur Vlorën dhe vlonjatët, ka nëpërkëmbur Shqipërinë, ka premtuar por ka dështuar të mbajë premtimet. Emigracioni i rinisë vlonjate është në përmasa të frikshme. Ka ardhur koha për ndryshim. Kjo betejë nuk është për Bashën apo Ramën, është për shqiptarët, ata familjarë që kanë mbetur pa punë, të rinjtë që i kanë kthyer sytë nga emigracionit, kjo betëjë është për Shqipërinë dhe shqiptarët. Me 25 prill padiskutim PD dhe Aleanca për Ndryshim sëbashku me LSI do ti fitojmë zgjedhjet, por fituesit e vërtetë do të jenë të nëpërkëmburit e këtyre tetë viteve. Edi Rama ka mbledhur gjithçka për pushtetin e tij”, shtoi.
