Kandidatja për deputete e Partisë Demokratike, Dhurata Çupi, thotë se 25 prilli do t’i japë fund diskriminimit politik dhe krahinor, që ka ndodhur gjatë tetë viteve të qeverisjes së Edi Ramës në zonën e Dibrës.
Në një postim në rrjetet sociale, Çupi shkruan se me qeverisjen e PD-së askush nuk do të braktiset dhe askush nuk do të nëpërkëmbet për shkak se është i varfër, për shkak të origjinës apo bindjeve politike.
Postimi i plotë:
25 Prilli do t’i japë fund diskriminimit politik dhe krahinor 8 vjeçar në zonën e Dibrës. Përveçse nuk investoi asgjë në bujqësi, nuk mbajti premtimet për rrugën e Arbrit, rriti papunësinë, qeveria çoi drejt varfërisë elstreme me mijëra familje.
Vetëm 5 vitet e fundit, Edi Rama hoqi nga ndihma ekonomike mbi 3 mijë familje, njerëz që, kryesisht, nuk votojnë PS. Të mbash qëllimisht në skamje mijëra fëmijë është kriminale, prandaj ne duhet të bashkojmë votat për ta larguar këtë qeveri që përdor mjerimin si hakmarrje ndaj njerëzve.
Kjo politikë çnjerëzore merr fund më 25 Prill. PD ka një program konkret për mbështetjen e familjeve në nevojë. Ne do të dyfishojmë
ndihmën ekonomike, do të japim falas libra të rinj për fëmijët në shkollë, studentëve nga këto familje do t’u paguhet gjithçka, do te rrisim pensionet.
Nën qeverisjen tonë askush nuk do të braktiset! Nën qeverisjen tonë, askush nuk do të nëpërkëmbet për shkak se është i varfër, për shkak të origjinës apo bindjeve politike.
💙 Më 25 prill të votojmë për dinjitetin dhe mirëqenien! Më 25 prill të gjithë bashkë për ndryshim!
#MatiFiton
#DibraFiton
#ShqipëriaFiton
