Merr fund makthi për sulmuesin e Kombëtares, dhe të Juventusit, Giacomo Vrioni. 22-vjeçari nga fundi i muajit nëntor, ka qëndruar jashtë fushave të blerta, për shkak të një dëmtimi të rëndë në kyçin e këmbës së djathtë.
Pas kësaj, sulmuesi nisi fazën e rikuperimit dhe ditën e sotme është rikthyer në fushë në stërvitje. Lajmi është komunikuar nga vetë Juventusi, që njofton se lojtari ka kaluar dëmtimin dhe ditën e sotme ka kryer një seancë stërvitore.
Një lajm i mirë ky edhe për Kombëtaren dhe trajnerin Reja, i cili mund ta grumbullojë për ndeshjet e këtij muaji, por gjithsesi ka dyshime për këtë, pasi lojtari ka rreth 4 muaj jashtë fushave të blerta dhe nuk është në gjendje të mirë fizike.
