Partizani triumfoi 1-2 me Tiranën në derbin e kryeqytetit. Edhe në këtë duel, Ilir Daja nuk preferoi të aktivizonte për asnjë minutë lojtarin e ri të afruar në merkaton e dinmrit, Roberto Carlos Dominguez.
Mbrojtësi nga El Salvador duket se nuk po përshtatet shpejt te “Demat”, me stafin teknik që e ka lënë në stol plot shtatë ndeshje, ose 630 minuta.
Futbollisti, qysh nga koha e mbërritjes në Shqipëri ka qëndruar vetëm në stol, duke mos i besuar asnjë minutë. Edhe pse pjesë e Kombëtares së vendit të tij, Dominguez la Bolivar në Amerikën Latine për eksperiencën në Europë, me 23 vjeçarin që për shkak të largësisë nuk mori ftesë për ndeshjet e radhës nga përfaqësuesja e kombit të tij.
