Intervista “bombë” e ‘Oprah Winfrey’ me Meghan Markle dhe Princ Harry zbuloi shumë detaje në lidhje me marrëdhënien me familjen mbretërore. Nga gjinia e foshnjës, marrëdhëniet e tyre me Mbretëreshën, Kate Middleton, Princin William dhe Princin Charles.
Intervista e bujshme u diskutua ditën e sotme në emisionin “Shqipëria Live”, ku e ftuar ishte balerina e njohur, Adel Lami. Sipas saj, kjo intervistë ka qenë e qëllimshme pasi Meghan ka vendosur që të kandidojë në zgjedhjet e ardhshme presidenciale në Shtetet e Bashkuara të Amerikës.
“Unë dua të jap vertiktin tim si një njeri i thjeshtë, e mendoj se është një gënjeshtër patologjike. Meghan po luan rolin e viktimës dhe heroinës. E para duke thënë se çfarë i ka ndodhur dhe i kanë bërë anëtarët e familjes mbretërore dhe në rastin e heroinës, ku shpëton familjen e saj dhe largohet nga Anglia në SHBA, ku do që të futet pjesë e politikës. Është mënyra më e thjeshtë për tu viktimizuar dhe heronizuar njëkohësisht në SHBA”, tha balerina e njohur.
Adel shtoi se fillimisht Meghan ka thënë që nuk e donte median e do rrinte larg, por më pas bëri krejt të kundërtën.
“Intervista ishte e qëllimshme, mbajeni mend kur të kandidojë për presidente”, përfundoi Lame.
