Thomas Muller është rikthyer sërish protagonist me skuadrën e Bayern të Munich. Gjermani që mungoi për gati dy javë pas infektimit me COVID në Kupën e Botës për Klube në Katar, tani është vënë plotësisht në dispozicion të trajnerit Hansi Flik.
Pas fitores në Bremen, ku Myler dha dy asiste në dy golat e parë, lojtari gjerman tha se skuadra e tij meritoi gjithçka.
“Ne kishim për detyrë të fitonim këtu, ia dolëm. Kjo është një fazë tjetër për ne. Jemi të kënaqur edhe me mënyrën se si fituam. Sigurisht që duhet t’i përmbahemi pasi kampionati është ende i gjatë dhe në lojë janë shumë pikë. Me këmbënguljen dhe ndryshueshmërinë në mënyrën e lojës sonë, ne e merituam fitoren duke mos i dhënë asnjë mundësi kundërshtarit për të na rrezikuar”.
Muller ka bërë deri tani një sezon të madh me kampionët e Gjermanisë, teksa statistikat tregojnë për një lojtar i cili po bëhet gjithmonë dhe më shumë jetik për bavarezët. Plot 68 raste për gol të krijuara nga ai dhe 13 asiste.
“Në dhjetë minutat e fundit pashë një skuadër të freskët. Atëherë ne ishim më aktivë, ky është një detaj jo i vogël. Në pjesën e dytë ne ishim në kontroll të lojës dhe vazhdimisht luanim veprime të rrezikshme. Ne duhet të kishim shënuar më shumë gola. Prandaj, fitorja është absolutisht në rregull, edhe nëse pësojmë një gol nga prapa, por kemi krijuar një skuadër e cila mund të përballojë çdo gjë”, përfundoi ikona e Bayernit.
