Biologu gjenetist, Elores Sula foli për efikasitetin e vaksinave të prodhuara kundër koronavirusit.
Ai u shpreh se sipas të dhënave, vaksinat nuk kanë efekte anësore vdekjeprurëse dhe kanë efikasitet me përqindje të caktuar në varësi të llojit të vaksinës.
“Kategoria e tretë janë vaksina që përdorin një virus tjetër si mbartës dhe transmetues, pra vaksina vektoriale si Sputnik, AstraZeneca dhe Johnson&Johnson. Sputnik ka dy adenoviruse humane dhe njëri është manipuluar nga ana gjenetike, këtyre viruseve iu është hequr pjesa që mund të infektojnë dhe në këtë mënyrë kjo lloj vaksine ka mundësi të të imunizojë. AstraZeneca është gjithashtu me adenovirus, jo human por shimpazeje në të njëjtën teknikë, me dy doza por kanë veti që ruhen në temperaturë të ulët. Është testuar në Brazil dhe ka një efikasitet mbi 90 përqind. Individët nuk kanë shfaqur simptoma. Dhe Johnson&Johnson me adenovirus por është e tillë që është me një dozë.”, tha Sula për Abc News.
Përsa i përket vaksinës AstraZeneca, e cila është ndaluar në disa vende për shqetësimet në lidhje me efektet e mundshme anësore, biologu u shpreh: “Meqenëse ka ndodhur kjo gjë dhe shtete të zhvilluara e kanë stopuar vaksinimin dhe është nën hetim, unë personalisht do ta ndaloja për pak kohë që të sigurohesha. AstraZeneca nuk është se do shumë kushte specifike për t’u ruajtur, mjafton minus disa gradë dhe mund të ruhet në frigorifer normal, prit disa ditë.”
A janë efikase ndaj mutacioneve? “Mutacionet janë brenda variabilitetit të pranueshëm për t’u njohur nga vaksinat, nëse një mutacion nuik ndryshon thelbinj e virusit patjetër që do të njihet nga elementët përbërës të sistemit imunitar që kanë marrë vaksina të ndryshme. Nëse ndryshohet thelbi, nuk mundet që të jenë efektive.“, shtoi më tej biologu./ABC NEWS
