Freestyle “Make a pose” është bërë mjaft virale në rrjet duke thyer edhe kufijtë. E sigurisht që reperi i ri, Don Xhoni, është mjaft i lumtur për këtë fakt.
Në rrjetin social “TikTok” u krijua një trend me këtë “freestyle”, ku persona të ndryshëm anë e mbanë botës publikonin video ku hapnin sfida me kërcimin e Don Xhonit. Por tani, reperi duket se ka marrë edhe vëmendjen e futbollistit të famshëm brazilian, Douglas Costa. Ky i fundit ka ndarë me ndjekësit e tij në “Instastory” një video, ku tregon se po dëgjon “Make a pose”.
Reperi shqiptar e ka ripostuar këtë video, duke treguar se është mjaft i lumtur që video e tij po bëhet kaq virale.
