Katër ditët e ardhshme në futbollin shqiptar, do të jenë vendimtare për fatet e sezonit për ekipet pretendente. Vllaznia, Partizani, Teuta dhe Laçi do të garojnë edhe në Kupën e Shqipërisë në mes javë, edhe në Superiore në fundjavë, për javën e 25-të.
Laçi dhe Partizani përplasen të mërkurën në Kupën e Shqipërisë, në çerekfinale dhe njëra prej këtyre dy skuadrave, duhet t’i thotë lamtumirë një prej objektivit të tyre. Ndërsa “demat” më pas, do të përballen me Teutën, që e kanë sipër në tabelë.
E njëjta situatë dhe për Laçin, që në fundjavë përplaset me Tiranën. Vllaznia e ka disi më të lehtë në Kupë me Korabin, ndërsa për kampionat luan kundër Kastriotit.
Teuta nga ana tjetër, do të përplasë “brirët” me Kukësin në Kupë, për të provuar forcën më pas edhe në kampionat kundër Partizanit.
SFIDAT E ÇEREKFINALEVE TË KUPËS SË SHQIPËRISË
E mërkurë, 17 mars 2021
DINAMO-SKËNDERBEU | 13:00
LAÇI-PARTIZANI | 13:00
TEUTA-KUKËSI | 16:00
VLLAZNIA-KORABI | 16:00
SFIDAT E JAVËS SË 25 TË KATEGORISË SUPERIORE
E dielë, 21 mars 2021
BYLIS-KUKËSI | 13:00
KASTRIOTI-VLLAZNIA | 13:00
LAÇI-TIRANA | 13:00
PARTIZANI-TEUTA | 16:00
E hënë, 22 mars 2021
APOLONIA-SKËNDERBEU | 13:00
