Mbrëmjen e djeshme është mbajtur ceremonia e ndarjes së çmimeve “Grammy”. Në këtë event të rëndësishëm ka arritur të rrëmbejë një çmim edhe këngëtarja shqiptare me famë botërore, Dua Lipa.
Dua mori çmimin si “Albumi më i mirë i zhanrit pop”. Ky është çmimi i dytë “Grammy” për Duan, e cila në 2019-n u shpall “Artistja e re më e mirë e vitit 2019”.
“Uau, shumë faleminderit. Kjo është një çmenduri. “Future Nostalgia” do të thotë bota për mua që e ka ndryshuar jetën time në shumë mënyra por një gjë që e kam kuptuar është se sa e rëndësishme është lumturia”, th Dua kur mori çmimin e rëndësishëm.
