Partizani arriti të fitonte dje kundër Tiranës me rezultatin 2-1, në kuadër të javës së 24-tërt të Superiores. Skuadra e drejtuar nga Ilir Daja ia doli të marrë 3 pikë të arta kundër bardhebluve.
Pas ndeshjes, mbështetësit e pranishëm që ishin futur për llogari të Partizanit në tribunë, vërshuan drejt lojtarëve për t’i kërkuar fanelat. Shumë prej tyre ia dhanë, ndërsa Jasir Asani u bë protagonist.
Në tribunë qëndronte presidenti Gaz Demi i cili nuk u largua deri në momentin kur futbollistët e ekipit të tij u futën në tunel për në dhomat e zhveshjes. Njëri nga të pranishmit i kërkoi fanelën Asanit, por ky i fundit me batutë iu drejtua: “Na ka dhënë urdhër presidenti mos me dhënë fanela”, përfundoi duke qeshur.
Ndërkohë Gaz Demi i pranishëm, e pa dhe vuri buzën në gaz duke lënë të nënkuptohet se ishte thjesht një shaka e mëngjërashit. Por, në të vërtetë Asani ishte ndër të paktët që nuk e dhuroi fanelën e tij pas takimit. Ndoshta mund t’ia kishte premtuar dikujt tjetër e në këto kushte zgjodhi të ngacmonte edhe presidentin Demi./Newsport.al
