Jasir Asani ishte protagonist në fitoren 2-1 të Partizanit kundër Tiranës. Me inkursionet e tij të herë pas hershme, mbrojtësi i bardhebluve Erion Hoxhallari e pati të vështirë ta markonte.
25 vjeçari po kalon një formë të mrekullueshme dhe këtë e tregoi edhe dje në derbi. Para ndeshjes dhe gjatë zbritjes në fushë, ai ishte në krah të Ferhan Hasanit që për arsye dëmtimi nuk mund të ishte i gatshëm.
Mëngjërashi u karikua nga sulmuesi i njohur kur ekipet po zbrisnin në fushë. “Hy dhe trego që je më i miri. Dua gol nga ty”, mësohet t’i ketë thënë Hasani, sulmuesit të linjës, Jasir Asani. Edhe pse mëngjërashi nuk e shënoi emrin e tij në listën e golashënuesve të ndeshjes së djeshme, padyshim që performanca e tij ishte nga më të mirat e këtij sezoni./Newsport.al
