Është ndarë nga jeta në moshën 95-vjeçare Sabri Peqini për shkak të problemeve shëndetësore.
Sabri Peqini nga Belshi ka qenë 4 herë kampion me skuadrën e futbollit të Dinamos, pjesë e Elbasanit dhe Erzenit.
Lajmin e ka bërë të ditur gazetari Dëfrim Methasani përmes një postimi në FB.
“Humbëm sot një ikonë të futbollit shqiptar, një personalitet të padiskutueshëm që bëri vetëm mirë në shërbim të sportit dhe njerëzve. Sabri Peqini pas një sëmundje të rëndë në moshën 95-vjeç u nda nga ne, nga familja e tij, nga zonja, djali por dhe vajza e cila nuk mundi dot ta përcillte të shtrenjtin baba. Vetëm pak muaj më parë, RTSH SPORT e gdhendi figurën madhështore të tij, në një dokumentar që u prit mjaft mirë nga teleshikuesit. Erzeni, Dinamo, Elbasani dhe kombëtarja ishin skuadrat ku ai tregoi klas si futbollist dhe trajner. Lamtumirë Biu, kujtesa jonë dhe e brezave që vijnë, do të kenë bashkudhëtare emrin e bukur dhe veprën tënde të madhe…”, shkruan ai.
