Kreu i Partisë Demokratike Lulzim Basha ka vizituar disa familje në Lezhë.
Qytetarë janë ankuar për gjendjen e vështirë ekonomike në të cilën ndodhen.
Duke biseduar me një zonjë që siç tregoi ajo, e kishin hequr nga ndihma ekonomike, Basha tha se me qeverinë e re, do rishikohen të gjitha vendimet për ata që janë hequr nga skema e ndihmës ekonomike dhe shtoi se ajo do dyfishohet.
Basha tha se çdo fëmijë do shkollohet pavarësisht nga gjendja ekonomike e familjes dhe ilaçet do jenë të rimbursueshme dhe cilësore për familjet me ndihmë ekonomike.
Kryedemokrati premtoi po ashtu hapjen e vendeve të reja të punës dhe uljen e çmimit të energjisë elektrike.
Kryedemokrati kërkoi votën e qytetarëve për të sjellë ndryshimin në vend.
