Replika të forta në distancë mes kryebashkiakut të Tiranës Erion Veliaj dhe Presidentit Ilir Meta.
Pas ngjarjes së sotme në zyrat e FRD, ku pati përplasje mes Presidentit Meta dhe efektivëve të policisë bashkiake, reagoi kryebashkiaku i Tiranës në një prononcim për një televizion.
Veliaj tha se kontrata e forcës politike ka përfunduar tre vite më parë dhe dita e sotme ishte afati i fundit për të liruar ambientet që siç tha Veliaj, janë në pronësi të bashkisë.
Lidhur me deklaratën e kreut të FRD-së Sali Shehu, se shkresa e bashkisë ku kërkonte lirimin e zyrtave ishte e paligjshme, Veliaj tha se për këtë duhej ti drejtohej gjykatës.
Ai paralajmëroi “kallëzime penale për të gjithë ata që kanë prekur policët”.
Akuza të rënda hodhi ndaj Presidentit Ilir Meta, për të cilin tha se nuk është burrë dhe ka probleme mendore.
“Është në degradim mendor të vazhdueshëm, nëse do ishte burrë do ta linte Presidencën dhe do vrazhdonte betejën në zgjedhje. Mendërisht ka nevoje për ndihmë, për lutjet tona dhe për mbështetje mjekësore”, tha Veliaj.
Më herët, Meta deklaroi për bashkianë e Tiranës se “është Bashki-bandë”.
Lexo edhe:
“Përjashta maskarenj”/ Meta përplaset me policinë bashkiake në zyrat e FRD (VIDEO)
