Kreu i LZHK, Dashamir Shehi, reagon pas përplasjes me Policinë Bashkiake te zyrat e FRD. Shehi shkruan se bastisja e FRD është një akt neodiktature, ku sipas tij, u rrezikua jeta e Presidentit.
Shehi shkruan në “FB” se sjellja e Bashkisë Tiranë është e papranueshme dhe vjen pas nënshkrimit të koalicionit të FRD me opozitën e bashkuar.
Reagimi
Në reagimin e kreut të LZHK-së thuhet:
Bastisja e FRD, akt neodiktature, u rrezikua jeta e Presidentit !
Bastisja e zyrave të FRD-së nga Policia Bashkiake është një akt i papranueshme dhe tregues se demokracia është në rrezik.
Prania e civilëve në krah të punonjësve të Policisë Bashkiake është një akt flagrant dhe jeta e Presidentit Ilir Meta sot ishte në rrezik.
Skena të tilla dhunë në institucione të rëndësisë së veçantë dëmtojnë rëndë imazhin e vendit dhe janë tregues i një klime politike agresive që mund të ketë pasoja edhe më të rënda.
Sjellja e Bashkisë Tiranë është e papranueshme dhe vjen pas nënshkrimit të koalicionit të FRD me opozitën e bashkuar.
Këto sjellje të qeverisë dhe Bashkisë Tiranë në prag të zgjedhjeve elektorale dëmtojnë klimën politike. I bëj thirrje Ramës për reflektim pasi vendit nuk i duhet këtë periudhë një klimë e tensionuar politike.
