Një tjetër termet i fortë është regjistruar këtë të Premte në Greqi.
Lëkundjet janë ndjerë edhe në vendin tonë.
Sipas raportimeve të para të mediave helene, tërmeti ishte me magnitudë 5.2 dhe goditi në orën 14.57 me orën lokale në Greqi.
Thellësia vlerësohet 8.5 km, ndërsa epiqendra 19 km në veriperëndim të Elassona-s, qytezë në veri të Greqisë.
Brenda disa minutave, janë shënuar dhe tre lëkundje të tjera më të vogla, me magnitudë 3.7, 3.6 dhe 3.9 të shkallës Rihter.
Në raportimet paraprake në media nuk flitet për dëme materiale, apo persona të lënduar.
