Nënkryetari i LSI, Petrit Vasili ka dalë në mbrojtje të Frymës së Re Demokratike pas sulmit që iu bë nga Policia Bashkiake.
Vasili ka mbërritur në seli, nga ku deklaron se nuk do të lejojnë asnjë që t’u shkelë liritë politike.
“Vetëm pisa bashkiakë dhe që rrinë në zyrën e kryeministrit mund të duan që të instalojnë një shtet të tillë. Nuk fshihen dot nga halli i tmerrshëm i humbjes. Këtu janë liritë e cënuara. Është një liri politike e vendosur në Kushtetutën e Shqipërisë, e palëvizshme.
Këtyre lirive i shërbejmë të gjithë. Nuk është prekur FRD por është prekur liria politike. Përballë kanë të gjithë shqiptarët që janë sakrifikuar për të pasur këto liri. Asnjë horr a pis bashkiak, me mickey mouse apo patë, me mi vrimash apo jo, nuk mund të kalojë dot mbi këto liri. Në këto liri thyejnë kokën të gjithë. Nëse të tjerët kanë dhënë jetën për këtë liri që kemi sot, nuk ia falim jo këtyre ndyrësirave, por kurrkujt në botë.
Jemi së bashku FRD, LSI, PD, çdo parti. Sot është një cenim i të gjithë shqiptarëve dhe ndaj jemi të gjithë bashkë. Se si mendojmë në politikë, se si veprojmë në politikë është e drejtë e pakufizuar e të gjithëve, por këto liri nuk i cenon dot njeri“, ka thënë Vasili.
