Mania për të rritur numrin e followersave në rrjetet sociale duket se ka prekur edhe “skuadrën fituese” të Partisë Socialiste.
Aktorja e humorit Eliona Pitarka ka zhvilluar një lojë shpërblyese në Instagramin e saj, ose siç quhet në gjuhën e rrjeteve sociale Giveaway. Ajo kërkon nga ndjekësit e saj që ata të marrin pjesë në këtë lojë, duke ndjekur edhe faqet që ajo ndjek.
Pitarka shihet që ka bashkëpunuar me 56 biznese, por prisni një sekondë…
Në mes të këtyre bashkëpunëtorëve që synojnë rritjen e ndjekësve në Instagram, është edhe kreu I fushatës së PS në Vlorë, njëkohësisht edhe kandidati për deputet, Damian Gjiknuri.
Me sa duket Gjiknuri e ka nuhatur suksesin e rrjeteve sociale dhe ka dashur që Instagrami i tij të shërbejë si një trampolinë votash.
Vetë loja parashikon që Gjiknuri duhet të ketë paguar aktoren për këtë rast reklamimi, por nuk dihet shuma.
/Marrë nga Ora News/
