Mbrëmjen e sotme në “Për’puthen” u transmetua takimi i Ledjanës me Mevlanin. Antonela e cila ishte bërë pjesë e treshes, doli para studios dhe tha se ka hequr dorë përfundimisht nga konkurrenti.
“Mua më bëhen 47 ditë në emision dhe kam kuptuar që duhet të distancohem, t’ja lë Mevlanin Ledjanës, pavarësisht se vazhdoj të kem pëlqim për të. Unë nuk dua të bëhem shkak për mos krijimin e një lidhjeje. Mevlan unë kam nevojë për një mashkull dhe ti nuk je për mua”, u shpreh ajo teksa theksoi se ka ende ndjenja për Mevlanin.
Ndërkohë ky i fundit nuk e priti mirë deklaratën e Antonelës, por shtoi se e respekton vendimin e saj.
“E ke bërë rrugë ofendimin ti. Megjithatë nuk ka problem. Më parë më thoshe jam mashkulli i preferuar dhe tani thua nuk jam mashkull. Unë e respektoj vendimin tënd dhe gjithmonë do të respektoj”, tha Mevlani.
Ndërsa Ledjana tha se Antonela ka marrë informacione se takimi i saj me Mevlanin ka shkuar shumë mirë, ndaj bëri këtë deklaratë të papritur.
