Erdit Flamuraj është arrestuar dy muaj pas konfliktit të dhunshëm mes biznesmenëve Sino Llanaj dhe Albert Allmuça në 13 janarin e këtij viti.
Nuk dihet roli që ka pasur Flamuraj në këtë konflikt, por ai ka qenë i shpallur në kërkim për këtë ngjarje.
Sino Llanaj dhe Albert Allmuça ishin bashkëortakë të një objekti në ndërtim, por ata u konfliktuan dhe madje pati dhe të shtëna me armë zjarri.
Biznesmeni Llanaj mbeti i plagosur dhe i përgjakur ditën e konfliktit.
Revoltë pati dhe nga qytetarët që kanë parapaguar për banesat që do të kishin, të cilët i kërkuan ndihmë edhe shtetit.
