Një 55-vjeçar është gjetur i vdekur këtë të Enjte, në një zonë të pyllëzuar në fshatin Nivicë të Himarës. Dyshimet e policisë janë se viktima ka humbur jetën për shkaqe aksidentale.
“Sot, rreth orës 08:30, në një zonë të pyllëzuar në fshatin Nivicë, është gjetur nga familjarët pa shenja jete shtetasi A.P., rreth 55 vjeç, i cili dyshohet se gjatë kohës që ka qenë duke prerë degët e një peme aksidentalisht është dëmtuar prej tyre dhe si pasojë ka ndërruar jetë”, njoftoi policia.
Në vendngjarje ndodhet grupi hetimor dhe po punon për zbardhjen e plotë të rrethanave të ngjarjes, shtuan të njëjtat burime.
