Portieri në pronësi të Romës dhe i huazuar tek Evertoni, Robin Olsen, ka rënë pre e një grabitje të frikshme në Altrincham të Anglisë.
Mediat britanike raportojnë se 31-vjeçari, portieri i parë i kombëtares së Suedisë dhe familja e tij përjetuan momente terrori, kur persona të maskuar dhe me hanxhar në duar u futën në shtëpinë e tyre, duke vjedhur disa bizhuteri, mes të cilave një orë luksoze.
Pak kohë më parë, edhe trajneri i Everton, italiani Carlo Ancelotti, ra pre e një grabitje. Dy persona u futën në banesën e tij duke i marrë kasafortën në Crosby, e cila u gjet më pas e braktisur në një parking.
