Greqia është duke u përballur me një situatë dramatike sa i përket përballjes me pandeminë. Numri i të prekurve dhe të vdekurve mbetet i lartë pavarësisht mbylljes që ka aplikuar qeveria në zona të gjera.
Nisur nga situata e krijuar, Minsitria e Shëndetësisë ka apeluar për ndihmë mjekët privatë që t’i bashkohen skuadrës së spitaleve publike për të luftuar koronavirusin.
Lidhur me iniciativën që i është kërkuar doktorëve, bëhet fjalë për një rrogë mujore prej 2 mijë euro dhe veç kësaj ata do të jenë të përjashtuar nga taksat.
Në një betejë të pabarabartë që po zhvillohet vazhdimisht prej një viti tashmë, mjekët e privatit duhet të marrin përsipër përgjegjësitë e tyre ndaj shoqërisë, thekson ministria.
