Plarent Ndreca në studion e Open mbrojti hapur emra të cilët prej kohësh janë pëtrgojuar në media si persona të lidhur me trafikun e drogës. Ndreca debatoi ashpër me analistin Arjon Sulo dhe Enton Abilekaj, për tre emrat të cilët janë në listën e kandidatëve të PS-së, por që janë përfolur si persona të lidhur me krimin.
Plarent Ndreca mbrojti fort Rrahman Rrajan, Jurgiz Çurben dhe Ilir Ndraxhin e listes së Durrësit.
Për Enton Abilekaj të tre këta emra duhet të hiqen nga lista.
Ndërkohë që Ndreca thotë se ndaj tyre nuk ka as masë sigurimi dhe as një vendim.
“ Një ministër mund të ketë 30 vendime nga shumë qytetarë, por nuk mund të jap dorëheqjen. Jetoni në këtë vend apo jo. SPAK mund të hetoj. Kjo është e tmerrshme”
Ndërkohë Abilekaj kundërshtoi ashpër duke i thënë se e tmerrmshme është ajo që thotë Ndreca , ndërkohë që i tha se këta persona kanë edhe lidhje me dosjen 339.
“Ju gazetarët duhet të futeni të gjithë në burg. Çfarë është prezumimi i pafajësisë. Ore e njihni Kushtetutën e Shqipërisë ju. S’ka përgjegjësi politike, po spati përgjegjësi ligjore”, tha Ndreca.
Abilekaj: Sajmir Tahiri sot është akoma i pafajshëm, por u përjashtua nga grupi.
Ndreca: Ka një masë sigurimi
Abilekaj: Janë tre persona që hetohen nga SPAK.
