Borussia Dortmund është skuadra e parë që arrin fazën çerekfinale për sezonin 2020/2021 të Ligës së Kampioneve. Verdhezinjtë kanë arritur të triumfojnë me rezultatin e përgjithshëm 5-4 ndaj Sevillas.
Sfida e parë mes skuadrave e luajtur në Spanjë, përfundoi 2-3 në favor të Dortmund, ndërsa mbrëmjen e sotme skuadrat u ndanë në një barazim 2-2.
Protagonisti absolut i përballjes së dyfishtë ka qenë Erling Haaland, autor i dy golave në ndeshjen e parë dhe në atë të kthimit.
Norvegjezi është bërë lojtari më i shpejtë i të gjithë kohërave që shënon 20 gola në Champions League: i janë dashur vetëm 14 ndeshje, 10 më pak në krahasim me mbajtësin e mëparshëm të rekordit (Harry Kane, 24).
Ndërkohë sfida tjetër mes Juventusit dhe Portos ka kaluar në kohën shtesë, teksa bardhezinjtë fituan 2-1 në kohën e rregullt.
