Një aksident me dy viktima ka ndodhur këtë të Hënë në aksin rrugor Lushnjë-Divjakë. Dy persona që lëviznin me një motorr kanë humbur jetën pas përplasjes së mjetit me një automjet.
Policia njoftoi se rreth orës 15:10, në vendin e quajtur “Ura e Gradishtës”, shtetasi A.S., 51 vjeç, banues në Spolat, Lushnjë, duke drejtuar automjetin tip “Benz” është përplasur me motomjetin tip “Lifan”.
Si pasojë e përplasjes është dëmtuar drejtuesi i motomjetit dhe pasagjeri në motomjet të cilët kanë ndërruar jetë. Viktimat janë ende të paidentifikuar.
Është shoqëruar drejtuesi i automjetit dhe po kryhen veprimet procedurale.
Grupi hetimor po punon për zbardhjen e rrethanave të ngjarjes, shtuan të njëjtat burime.
