Rrjeti televiziv ITV ka konfirmuar që Rita Ora nuk do të jetë më pjesë e jurisë në spektaklin ‘The Masked Dancer’. Ajo do të zëvendësohet nga Oti Mabuse, pas sjelljes së papërgjegjshme gjatë pandemisë.
Këngëtarja me origjinë shqiptare, reputacioni i të cilës është tronditur nga dy skandale për thyerjen e rregullave anti-Covid, është e vetmja anëtare e jurisë që nuk kthehet për serinë e re, pasi Jonathan Ross, Mo Gilligan, Davina McCall dhe Joel Dommett do të jenë sërish.
Një burim i afërt me Orën pohoi se largimi ishte i planifikuar, duke thënë për “Mail Online: ‘Është e ditur se ajo është në Australi dhe do të filmojë The Voice për disa muaj me rradhë.’
