Mbrëmjen e djeshme është ngjitur në skenën e Festivalit të “Sanremo”-s, këngëtari i famshëm me origjinë shqiptare, Ermal Meta.
Ai solli për publikun këngën e tij “Un millione di cose da dirti”. Edhe kësaj radhe Ermali ka rrëmbyer zemrat e publikut italian. E kjo duket edhe nga renditja provizore e natës së dytë të “Sanremo”-s, ku ai zë vendin e parë. Si pasojë Meta është pretendent për të fituar sërish festivalin.
Mediat italiane shkruajnë: “Ermali i bëri për vete të gjithë pasi silli poezinë e dashurisë së vërtetë në ‘Sanremo’”.
“Pa emër unë, pa emër ti. Dhe flasim derisa të mos na duhet më një emër. Pa nxitim unë, pa nxitim ti. Butësisht prekim njëri-tjetrin për tu kuptuar më shumë”, shprehte Ermal Meta në këngën e tij.
https://www.youtube.com/watch?v=Kni7wZw03-c&feature=emb_logo
