Mjekja shqiptare në Zvicër, Elona Çekani, u shpreh në emisionin Tempora, se nuk mund t´i lihet përgjegjësia qytetarëve, pasi në një situatë pandemike kjo është nonsens.
“Ka një debat në Shqipëri nëse duhet mbajtur maska apo jo, a duhen respektuar masat apo jo? Ky është një nonsens. Është një situatë e rrezikshme, po shkojmë shënd e verë drejt një fushate. Ne kemi buallin përpara, tragjedia nuk ka ardhur ende, e kemi përpara, çfarë po bëjmë?
Si ka mundësi që në Shqipëri deklarohet që R është nën 1, kur në Zvicër kemi dy muaj të mbyllur dhe R është 1.96”, tha Çekani.
Ajo apeloi për marrjen e masave urgjente për ti dalë të keqes përpara, pasi edhe sikur shifrat e deklaruara mbi të infektuarit të jenë të vërteta, atëherë 20 % e tyre duhen trajtuar në spitale.
“Shikoni shifrat, apo po trajtohen në spitale 20 % e të prekurve me Covid? Ku po trajtohen këta pacientë? Kjo është situata në Shqipëri, ndaj duhen marrë masa urgjente”, tha Çekani.
