Këngëtarja e njohur, Beatrix Ramosaj, është shqetësuar së fundmi për shëndetin e saj. Duket se ajo ka vënë re një simptomë të ngjashme me koronavirusin, e si pasojë ka vendosur që t’i nënshtrohet testit.
Këtë e ka zbuluar vetë ajo përmes një video në “Instastory” ku shfaqet e shtrirë në shtrat, e pa shumë energji. “Bëra testin e Covid sot, le të shpresojmë se është negativ”, shkruante ajo në video.
Më vonë, Beatrix vendosi që të tregonte edhe përgjigjen e testit, i cili fatmirësisht rezultoi negativ.
“Fatmirësisht u testova negative për Covid-19. Faleminderit të gjithëve për shqetësimin tuaj”, ka shkruar Ramosaj në postimin e radhës.
