Në një kohë që ka mbetur edhe një javë nga 8 marsi, disa e afatit të fundit për dorëzimin e listave të kandidatëve, Presidenti Ilir Meta i bën thirrje partive politike, që të dorëzojne brenda afateve listat e tyre.
Teksa e quan sërish 25 prillin referendum për të ardhmen europiane të Shqipërisë, Presidenti Meta në një postim në rrjetet sociale, thotë se sa më shumë kandidatë me integritet të lartë moral e qytetar dhe të pakapur nga dekriminalizimi, do të thotë më shumë mundësi për një pjesëmarrje historike në zgjedhje.
“Mbështes plotësisht thirrjen e Komisionerit Shtetëror të Zgjedhjeve, z.Ilirjan Celibashi, drejtuar partive politike, për të dorëzuar brenda afateve listat e kandidatëve. Sa më shumë parti, sa më shumë zgjedhje të ndryshme për qytetarët, sa më shumë kandidatë me integritet të lartë moral e qytetar dhe të pakapur nga dekriminalizimi, do të thotë më shumë mundësi për një pjesëmarrje historike në referendumin e 25 prillit për të ardhmen europiane të Shqipërisë“, shkruan Meta.
