Ditën e djeshme u luajt takimi, Partizani B-Burreli, që përfundoi me rezultatin 1-3 në favor të miqve. Të kuqtë nuk janë dakord me rezultatin dhe mendojnë se ky rezultat ishte i ndikuar drejtpërsëdrejti nga arbitri madje kapiteni Florian Peqini e akuzon se ka marrë para.
Një faqe tifozësh në Instagram, e dedikuar për Kategorinë e Parë, ka postuar një episod nga ndeshja, ku portieri Festim Miraka i Burrelit prek topin me dorë jashtë zone. Pogradecari duhej ndëshkuar, por kjo nuk ndodhi.
Në videon e postuar, qendërmbrojtësi i Partizanit B shkruan: “Pyesni arbitrin sa lekë ka marrë dhe e gjykon ai karagjozi”. Në komente është përfshirë edhe sulmuesi Redi Veriu. Ky i fundit replikon me Peqinin: “Nuk është nga ata burra. Ai nuk merr lek, vetëm euro”.
https://streamable.com/cq78kf
