“Po shohim përtej burimeve të dëshirueshme të vaksinave”, u shpreh këtë të Hënë kryeministri Edi Rama.
Deklarata u bë nga Brukseli gjatë një konference për mediat pas mbledhjes së Këshillit të Stabilizim Asocimit BE-Shqipëri, teksa kreu i qeverisë shqiptare ishte në krah të ministrit të Jashtëm të BE-së dhe komisionerit për zgjerimin e BE.
Rama shprehu zhgënjim për vonesën me furnizimin me vaksina nga “Covax”, bëri një rezyme të procesit të vaksinimit në vend dhe shtoi se “po shohim përtej burimeve të dëshirueshme të vaksinave”.
Deri më tani, në vendin tonë, siç është raportuar nga autoritetet përgjegjëse, janë injektuar vaksina të Pfizer e BionTech, ndërsa priten doza nga AstraZenica.
Më herët, Rama ka refuzuar publikisht vaksinat ruse, që janë përdorur në disa shtete.
Ndoshta, pas vonesave të furnizimit me kompanitë evropiane e amerikane, qeveria i ka kthyer sytë nga Rusia për marrjen e vaksinave, apo ndoshta dhe Kina.
