Me afrimin e datës së zgjedhjeve, bëhet më i qartë pozicionimi i deputetëve të “opozitës së re”. Këtë të Hënë, nga foltorja e Kuvendit, ligjëvënësi Nimet Musai zbuloi se do të reshtohet në radhët e socialistëve teksa afrohet 25 Prilli.
Më herët Musai ka qenë pjesë e LSI. Kujtojnë se ai ishte i katërti nga listat e LSI në qarkun e Fierit, në zgjedhjet e fundit parlamentare.
Musai ishte në mesin e atyre që nuk iu bindën vendimit për të djegur mandatet dhe kështu vendosi të ishte pjesë e parlamentetit, duke u reshtuar krah mazhorancës.
