Ish-presidenti francez Nicolas Sarkozy është dënuar me 3 vite burg për korrupsion nga një gjykatë e shkallës së parë në Francë.
Sarkozy, u shpall fajtor pasi u përpoq të korruptonte një magjistrant, Gilbert Azibert duke i ofruar një punë më të mirë në Monako, në këmbim informacionit për një hetim brenda partisë së tij.
Prokuroria kërkoi 4 vite burg për ish presidentin francez.
Çështja nisi nga përgjimet midis Azibert dhe Herzog, të cilat nxorrën në pah pretendimet se Sarkozy pranoi pagesa të paligjshme për fushatën e tij presidenciale në 2007.
Vendimi pritet të apelohet nga avokatët e Sarkozy.
Sarkozy ka shërbyer si president në vitet 2007 deri në 2012.
