Sekretari i Përgjithshëm i Partisë Demokratike, Gazment Bardhi ka reaguar pas deklaratave të ministres Elisa Spiropali, e cila ironizoi marrëveshjen PD-LSI.
Në një postim në rrjetet sociale, Gazment Bardhi thotë se Rama e kupton që është humbës, pasi bashkimi i opozitës do të sjellë ndryshimin.
Bardhi shkruan se kohës së Ramës tashmi i ka ardhur fundi dhe ka ardhur çasti të ndryshojmë:
“Edi Ramën e ka kapur paniku, sepse ka kuptuar që sot ka nisur fundi i tij. Rama e kupton që më 25 prill do të shkojë në shtëpi.
Ne u bashkuam që të sigurojmë ndryshimin në Shqipëri dhe atë ndryshim do ta sjellim ne: shpresa të reja për të gjithë dhe plane serioze pune në të gjitha fushat, ku Rama ka dështuar për 8 vjet me radhë: ekonomi, shëndetësi, arsim, emigrim, infrastrukturë.
Kohës tënde i ka ardhur fundi, Rama. Ka ardhur çasti të ndryshojmë. #ShqipëriaFITON”
