Arsenali ka treguar forcën ndaj Leicesterin ditën e sotme, teksa i ka mposhtur “Dhelprat” në transfertë me shifrat 1-3. Një fitore që jep shpresë tek ekipi i Artetës, që zona Champions edhe mund të arrihet, pavarësisht se për momentin Arsenal është 8 pikë larg vendit të katërt.
Sfida nuk nisi mirë për londinezët, pasi në minutën e 7-të ishte Tielemans që i dha avantazhin Leicesterit, duke dhënë përshtypjen e një fitoreje të thjeshtë për “Dhelprat”.
Sidoqoftë, Arsenali e rriti nivelin e lojës dhe brenda 7 minutave, në fundin e pjesës së parë përmbysi gjithçka me golat e David Luiz me kokë dhe Lacazette nga pika e bardhë e 11-metërshit.
Në pjesën e dytë, “Topçinjtë” shënuan edhe golin e tretë në minutën e 52-të, duke hipotekuar gjithçka dhe duke mbyllur ndeshjen me shifrat 1-3. Kështu, Leicester mbetet në vendin e tretë me 49 pikë, ndërsa Arsenali ngjitet në vendin e nëntë me 37 pikë.
