Xhensila Pere ishte e ftuar në emisionin “EXPULS”, me gazetarin Ronaldo Sharka. Intervista e tyre përfundoi në sherr, për shkak të një pyetjeje.
Ronaldo e pyeti Xhensilën rreth komenteve që qarkullojnë në rrjet, teksa i tha “Ty të quajnë imorale”. Kjo nuk u prit aspak mirë nga Xhensila, e cila i tha: “Opinioni publik thotë që ti je gej. E vërtetë është?”.
Gazetari i kërkoi Xhensilës ta prisnin pjesën e debatit nga intervista, por ajo nuk pranoi dhe tha se mban përgjegjësi për çdo fjalë të thënë.
Debati mes tyre:
Ronaldo: Je nga ato vajza që akuzohesh që shkon në Dubai, që të mbajnë me lekë, shpesh janë hapur lajme të tilla, në një fare forme se s’dua ta them se ngjan e shëmtuar, por për imoralitet, tek komentet që lexojmë shpesh
Xhensila: S’dua ta them se duket e shëmtuar dhe sapo e the
Ronaldo: Nuk e thashë në gjuhën që e thonë ata, por një nga gjërat që njerëzit thonë…
Xhensila: Nuk e besoj që ka ndonjë ndryshim të madh përderisa e the
Ronaldo: Përsa i përket komenteve të publikut, të bezdis kjo gjëja?
Xhensila: Mua më bezdis që po e bën ti si pyetje fillimisht sepse nuk mendoja që do prekje pak miqësinë tonë për të tejkaluar içik edhe masën e pyetjeve. Nuk mendoja se do ta tejkaloje dhe të përfitoje nga sinqeriteti apo çiltërsia ime nëpër intervista. Përsa i përket opinionit të publikut, aty mund t hyjë çdokush, që do thotë me Instagram fake apo se thjesht ti sot je ngritur keq, siç duket dhe ti je ngritur keq
Ronaldo: Po keqkuptohesh
Xhensila: Nuk po keqkuptohem, sepse ti sapo më quajte të pamoralshme, imorale. Nuk më ke marrë për intervistë se çfarë thotë bota. Aty në komente mund të hyjë një njeri që nuk ka mundësi për të të pasur ty si vajzë, e dyta meqë hyre dhe ti te pjesa opinionit publik, gjithë publiku duhet ta kuptojë që përtej këtyre vajzave me këto shalë, me këtë gjoks, ka dhe pak kokë, pak tru që i vënë në punë. Unë jam një vajzë që nuk kam nevojë të investohem nga dikush, por punoj vetë dhe jam aq e aftë sa t’i plotësoj të gjitha kushtet, nevojat dhe dëshirat e mia pa pasur nevojë të kem dikë në krahë
Ronaldo: Xhensila, më duket se po merr zjarr kot e dashur. Kjo nuk është aspak akuzë
Xhensila: “Të quajnë imorale”, çfarë e quan ti këtë?
Ronaldo: E bëjmë “cut” emisionin, e nisim nga fillimi
Xhensila: Jo, jo nuk ka nevojë. Këto me mua nuk ekzistojnë. Ja ku po e them publikisht që nëse ti guxon të presësh qoftë edhe një fjalë nga intervista ime, atëherë po që do marrë konotacion tjetër kjo intervistë.
Ronaldo: I lemë presionet se nuk kemi ardhur për presione këtu, nuk ka pse dy miq të keqkuptohen nga një pyetje që nis nga komentet e publikut.
Xhensila: Okej, qëndrojmë te komentet e publikut. Ronaldo Sharka, në opinionin publik shqiptar, thuhet se je gej. A është e vërtetë kjo?
Ronaldo: Po degradon emisionin dhe nëse do mund ta djegim fare si intervistë.
Xhensila: Po të them mua më quajnë imorale, ty të quajnë gej
Ronaldo: Je e para që nuk duhet ta bësh këtë pyetje dhe mbi të gjitha në vitin 2021. Jo shpirt nuk jam gej, jam shumë i lumtur që jam straight. Ti nuk je gazetare dhe nuk mund të vish në emisionin tim e dashur dhe të bëjmë gjyq. Nëse ty të djeg komenti…
Xhensila: Mua nuk më djeg se jam aq e aftë sa të vij të të jap edhe gjitha të dhënat e mia personale, se çfarë pune bëj dhe ti i di shumë mirë. Prandaj t’u kundërpërgjigja Ronaldo Sharka
Ronaldo: Po keqkuptohesh, po të duash e presim dhe vazhdojmë nga fillimi
Xhensila: Kjo nuk do të ndodhë. Kjo intervistë do qëndrojë sepse këtu është fjala ime dhe unë mbaj përgjegjësi për çdo gjë që kam thënë që nga fillimi. Nuk e kuptoj ku qëndron imoraliteti, unë jam e aftë të kujdesem për veten, për familjen time dhe vij këtu, ti pa pikën e turpit më thua që ty të quajnë imorale. I ke kaluar pak caqet si të miqësisë tonë, ashtu dhe të gazetarisë. Gjithsesi, po të them sa bukur është. Jeni shumë të shkathët për t’i drejtuar një pyetje dikujt, kthejeni një herë nga vetja dhe sapo ta ktheva u lëndove
Ronaldo: Unë nuk u lëndova, as nuk e nxeha. Unë nuk të akuzova, unë thashë komentet e publikut. Të të vijë turp Xhensila Pere!
