Milan Bandiç, kryebashkiaku i kryeqytetit të Koracisë, Zagreb, ka ndërruar jetë në moshën 66-vjeçare nga sulmi në zemër.
Lajmi për vdekjen e kryebashkiakut, Bandić, u bë publike nga autoritetet zyrtare të qytetit në orët para të së dielës 28 shkurt 2021.
“Me pikëllim të thellë informojmë bashkëqytetarët tanë, bashkëpunëtorët, miqtë, Zagrebin dhe opinionin kroat se papritmas, sot, më 28 shkurt, në moshën 66-vjeçare, Kryetari i Qytetit të Zagrebit, z.Milan Bandiç, vdiq nga një sulm në zemër. Ai jetoi për qytetin e tij, për zagrebaset dhe zagrebasit, të cilët ishin në vendin e parë për gjithçka që bëri, për punën që kreu me dashuri dhe energji, duke aktivizuar tërë qenien e tij, pa pushim për 21 vite. Ne do të informojmë opinionin për detajet, kohën e varrimit, mbajtjen e ceremonisë përkujtimore, si dhe informacione të tjera në lidhje me këtë lajm pikëllues“, thuhet në deklaratë.
