Olta Gixhari është nënë e një djali, të cilin e ka pagëzuar me emrin Amar. Aktorja ishte e ftuar ditën e djeshme tek “Jonida’s Room” ku tregoi dhe arsyen se pse nuk e zbulon identitetin e bashkëshortit.
Ajo ka vetëm pak ditë që është rikthyer në Tiranë, pasi prej rreth një viti ka qenë në Spanjë. Megjithatë, aktorja tha se kurrë nuk ka dashur të jetonte jashtë.
Në lidhje me bashkëshortin e saj, Gixhari tha se nuk i përket botës së artit, ndërsa në lidhje me fotot në rrjete sociale, ajo tregoi se partneri nuk ka dëshirë të bëjë diçka të tillë dhe se as vetë nuk ka rrjete sociale.
“Është më mirë të vazhdoj ta mbaj kështu, sepse familja është e shenjtë dhe nuk kam dëshirë që familja ime të bëhet pjesë e rrjeteve sociale. Është një zgjedhje e të dyve dhe ai është njeri shumë diskret dhe unë e respektoj”,- tha Olta.
