Avokatja e babait të Britney Spears, Vivian Lee Thoreen tha se njerëzit e kanë gabim në pseudonimet që i kanë vendosur. ‘Meaww’ shkruan se Lee Theoren në një intervistë tha se Jamie është një baba i dashur, i përkushtuar dhe besnik. Ajo është shprehur se njerëzit e kanë gabim në këtë rast pasi Jamie e ka shpëtuar këngëtaren nga njerëzit që kanë dashur ta shfrytëzojnë atë.
“Unë e kuptoj që çdo histori ka nevojë për një horr, por njerëzit e kanë kaq gabim këtu. Pronat dhe pasuritë e Britney ishin keqmenaxhuar dhe njerëz pranë saj po përfitonin nga ajo financiarisht,” tha ajo.
Britney është nën kontrollin e të atit që në 2008, pasi doli nga përkujdesja psikiatrike, duke qenë se mendohej se ishte e paaftë emocionalisht dhe mendërisht për t’u kujdesur për veten. Kjo ka bërë shumë fansa që të alarmohen dhe të kërkojnë që kujdestaria e Britney t’i kalohet dikujt tjetër për shkak se babai i saj, Jamie e kontrollon shumë dhe nuk i lë hapësirë personale.
