Një aksident me vdekje ka ndodhur në autostradën Tiranë-Durrës të Premten, ndërsa një person është vënë në pranga, njoftoi sot Policia e kryeqytetit.
Burime zyrtare bënë me dije se në rrugën dytësore të autostradës “Tiranë-Durrës”, janë përplasur dy automjete. Për pasojë, është plagosur R.K., i cili ishte nën drejtimin e një automjeti tip “Benz”. Ky i fundit është transportuar në spital, por aty ka humbur jetën disa orë më vonë.
Ndërkohë, drejtuesi i automjetit tjetër që u përfshi në aksident, një 28-vjeçar me iniciale A.T., është vënë në pranga.
Po dje, një grua u përplas me vdekje nga një kamion në zonën e “Astirit” në kryeqytet. Këtë të Shtunë, policia njoftoi arrestimin e drejtuesit të mjetit: P.Rr., 43 vjeç.
